• სისხლის დონაციამდე, დონორი ავსებს კითხვარს, გაივლის კონსულტაციას სპეციალისტთან, შემდეგ გაიღებს სისხლს და ბოლოს, წაიხემსებს
• სისხლის დონაცია უმტკივნეულო და უსაფრთხო პროცედურაა
• დონაციისას გამოიყენება ერთჯერადი მასალა, შესაბამისად დონორი დაცულია ინფიცირებისაგან
• დონაციის პროცედურის ჩასატარებლად 30-დან 60 წუთამდე დროა საჭირო
• ჩაბარებული სისხლის სტანდარტული მოცულება არის 250-450 მლ, მაშინ როდისაც ორგანიზმში მიახლოებით 5,5 ლ სისხლია
• სისხლის დონაცია კონფიდენციალური პროცესია და დონორის ანონიმურობა დაცულია

რა უნდა გავითვალისწინოთ სისხლის დონაციის პროცედურისთვის?

• სისხლის ჩაბარება რეკომენდებულია დღის პირველ ნახევარში
• სისხლის ჩაბარების დღეს სასურველია დილით მსუბუქად წახემსება
• სისხლის დონაციამდე 24 საათით ადრე არ შეიძლება ალკოჰოლური სასმელების მიღება
• სისხლის დონაციის დღეს არ არის სასურველი თამბაქოსა და ანალგეტიკების მიღება
• დონორმა დონაციის ანკეტაში მოცემულ ყველა შეკითხვას გულახდილად უნდა უპასუხოს
• თუ სისხლის ჩაბარების შემდეგ დონორს გაახსენდა რაიმე მიზეზი, რომლის გამოც მისი სისხლის გამოყენება არ არის სასურველი, აუცილებლად უნდა აცნობოს ამის შესახებ სისხლის ბანკს, თუნდაც მიზეზის დასახელების გარეშე
• გაცემული სისხლის მოცულობა 24 საათში აღდგება
• ჰემოგლობინი და სისხლის კომპონენტები 2 თვეში აღდგება
• სისხლის განმეორებით ჩაბარება შესაძლებელია 3 თვეში ერთხელ და სრულიად უსაფრთხო